Bir müddət əvvəl “Lotu Quli” ləqəbli kiriminal avtoritet Nadir Səlifovu təhqir edən “Opasnı Roma” ləqəbli tanınan və hazırda Fransada yaşayan Rahim Şəkinski güllələnib.
Minval.İnfo xəbər verir ki, bu haqda Fransa mətbuatı məlumat yayıb.  Məlumata görə, əsl adı Rahim Namazov olan şəxs və onun həyat yoldaşı silahlı hücuma məruz qalıb. Hücum nəticəsində həyat yoldaşı ölüb, özü isə kürəyindən aldığı ağır güllə yarası ilə xəstəxanaya yerləşdirilib. Hazırda vəziyyəti ağırdır.
Rahim Namazov “YouTube” sosial şəbəkəsində yaydığı videolarda “Lotu Quli”ni təhqir edirdi. Onun bu addımı kriminal aləmdə çaxnaşmaya yol açmışdı. İddia edilir ki, onun güllələnməsinə səbəb elə budur.
Journaliste azerbaïdjanais Rahim ile ilgili görsel sonucu
Məsələnin digər maraqlı hissəsi isə ondan ibarətdir ki, Fransa mediası kriminal avtoriteti jurnalist kimi qələmə verib. Buna səbəb isə, Rəhim Şəkinskinin bir neçə il öncə Fransadan jurnalist kimi mühacir kimi status almasıdır. Buna görə də, Fransa mediası bu hadisəni “azərbaycanlı jurnalist güllələndi” başlığı ilə yayımlayıb.

Jurnalist Elçin Əlioğlu da bu məsələylə toxunub və həmin şəxsin jurnalist olmadığını deyib:  “Fransada Rahim Namazov adlı “siyasi mühacir”ə, “jurnalist”ə sui-qəsd olduğu, ona və həyat yoldaşına atəş açıldığı yazılır. Müxalifət düşərjgəsindəki soydaşlarımız bunu geniş müzakirə edirlər. Cənablar və xanımlar! Rahim Tofiq oğlu Namazov heç vaxt jurnalist olmayıb. Bir müddət “Əlillər” qəzetinin vəsiqəsini gəzdirmiş fırıldaqçı dələduz və fəraridir. Sonra Fransaya qaçmışdı, orada sığınacaq almaq üçün kimlərə söymədi, kimləri suçlamadı ki. Son üç həftədi “Lotu Quli”yə, yəni Nadir Səlifova “Roma Şəkinski” və “Opasnı Roma” kimi söyürdü. Həddən ağır söyüşlərin yer aldığı videoları da YouTube-da yayırdı. Bu adam özünü “lotu” sayırdı. Onun nə siyasi mücahirlərə, nə də jurnalistlərə heç bir aidiyyatı yoxdur”.
Qeyd edək ki, Azərbaycandan Avropaya bu yolla gedən şəxslərin sayı çoxdur. Onlar jurnalist, siyasətçi, diplomat adı ilə saxta sənədlər düzəldir və bu yolla Avropadan sığınacaq alırlar