Azərbaycan millisi Qırğızıstan yığmasını darmadağın etdi

Bakının “Olimpiya” stadionunda Azərbaycanın futbol üzrə milli komandası Qırğızıstan yığması ilə yoldaşlıq matçı keçirib.

Oyun Qurban Qurbanovun yetirmələrinin 3:0 hesablı qələbəsi ilə başa çatıb.

Oyuna fəal başlayan Azərbaycan millisi matçın 17-ci dəqiqəsində istəyinə nail olub. Maksim Medvedev başla topu Qırğızıstan yığmasının qapısından keçirib.

Komandaların cəhdlərinə baxmayaraq birinci hissənin sonunadək hesab dəyişməyib.

Qarşılıqlı hücumlar şəraitində keçən oyunun 74-cü dəqiqəsində millimizin üzvü Mahir Mədətov ikinci topu rəqib qapısından keçirib. On dəqiqə sonra Ürfan Abbasov fərqlənərək hesab arasındakı fərqi artırıb. Bu, oyunda vurulan sonuncu qol olub.

Beləliklə, Azərbaycan millisi 3:0 hesablı qələbə qazanıb.

Qeyd edək ki, bu, millimizin baş məşqçi Qurban Qurbanovun rəhbərliyi altında dördüncü sınağı idi. Milli komandamız əvvəlki görüşlərdə Moldova və Makedoniya yığmaları ilə heç-heçə etmiş, Belarus seçməsinə isə məğlub olmuşdu.

Onu da qeyd edək ki, Azərbaycan millisi iyunun 5-də Astanada Qazaxıstan, dörd gün sonra isə Riqada Latviya yığması ilə yoldaşlıq oyunu keçirəcək.

ILK-10 Azeri Website Directory


Saytın Rəhbəri: Fikrət Fərhadoğlu
Tel: 055 211-10-79

E-mail: paytaxt.org@gmail.com
admin@paytaxt.org
Saytın dizaynı - "Qurdqanli Design"ə məxsusdur

© Müəllif hüquqları qorunur. Məlumatdan istifadə etdikdə istinad vacibdir. Məlumat internet səhifələrində istifadə edildikdə müvafiq keçidin qoyulması mütləqdir. Müəllifin mövqeyi redaksiyanın mövqeyi ilə üst-üstə düşməyə bilər.