Tükiyənin bu addımları Avropanı ŞOKA SALDI: Türklər geri dönür – FOTO/VİDEO

Osmanlı imperiyasının dağılması ilə Balkanlardan geri çəkilən Türkiyənin regionda güclənməsi Avropanı qorxutmağa başlayıb.

Paytaxt.org Publika.az-a istinadən xəbər verir ki, “Röyters” agentliyinin Türkiyənin Balkanlarda “yumşaq güc”ündən bəhs edən bir yazısı bu qorxunu açıq şəkildə ortaya qoyur.

Dörd ölkədə Türkiyənin investisiyalarına fotolarla diqqət çəkən agentlik Avropa İttifaqı liderlərinin Balkan ölkələri ilə təcili zirvə toplantısı təşkil etdiyini yazıb.

Makedoniyanın paytaxtı Skopyedə ən hündür göydələnləri Türkiyə şirkətləri tikib.

Serbiyanın Krupanj şəhərinin meri İvan İlyoviç gələn həftə bir investor tapmaq üçün Münhen və ya Parisə deyil, İstanbula gedəcək. Kosovanın magistral yolunun dəyəri təxminən 2 milyard dollardır.

Kosovada inşa edilən magistral yolu

Bir türk şirkətinin geyim fabriki Krupanj şəhərində 300 nəfəri işlə təmin etdi.

“Yaxşı investorlar, hətta hökumətin dəstəyini istəmirlər”, – İsailoviç bildirib.

İsailoviç kimi insanların artması Avropa İttifaqını narahat edir. Türk Əməkdaşlıq və Koordinasiya Agentliyi (TİKA) Balkanlarda çox aktivdir.

Bosniya və Herseqovinada TIKA tərəfindən bərpa edilmiş bir tarixi məscid.

Serbiya Ticarət Palatasının sədri Marko Kadez qeyd edir ki, türk investorlarının Qərb ölkələrindən fərqli olaraq az inkişaf etmiş bölgələrə üz tutur.

Bosniyada bir kağız fabriki ən böyük türk sərmayələrindən biridir.

Avropalı rəsmilər Rusiyanın təsirindən sonra Türkiyənin bölgədə artan “yumşaq güc”ündən qorxuya düşüb. Adının çəkilməsini istəməyən bir Qərb diplomat “Reyters”ə açıqlamasında bildirib ki, Avropa İttifaqı bölgədəki bir nömrəli ticarət partnyoru olsa da, bəzi üzv ölkələr Türkiyənin bölgədəki artan “yumşaq güc”ündən narahatdırlar.

Aprel ayında Avropa Parlamentində danışan Fransa prezidenti Emmanuel Makron Avropa İttifaqının sürətli şəkildə genişlənməsinə qarşı olduğunu ifadə etsə də, eyni zamanda bildirib ki, Balkanların Türkiyə, ya da Rusiyaya yönəlməsini istəmir.

ILK-10 Azeri Website Directory


Saytın Rəhbəri: Fikrət Fərhadoğlu
Tel: 055 211-10-79

E-mail: paytaxt.org@gmail.com
admin@paytaxt.org
Saytın dizaynı - "Qurdqanli Design"ə məxsusdur

© Müəllif hüquqları qorunur. Məlumatdan istifadə etdikdə istinad vacibdir. Məlumat internet səhifələrində istifadə edildikdə müvafiq keçidin qoyulması mütləqdir. Müəllifin mövqeyi redaksiyanın mövqeyi ilə üst-üstə düşməyə bilər.