Ukraynalı generallar bildiriblər ki, Rusiyanın Ukraynada işğal olunmuş ərazilərdə qurduğu müdafiə xətlərindən birincisi Zaporojya yaxınlığındakı Robotine kəndi ətrafından keçib. Digər tərəfdən, Ukraynanın müdafiə naziri Oleksii Reznikov dünən axşam saatlarında vəzifəsindən azad edilib.

Paytaxt.org Milliyet-ə istinadən xəbər verir ki, Ukraynanın iyun ayında başlatdığı əks-hücum əməliyyatında indiyə qədər əldə olunan nailiyyətlər az olub. Buna səbəb Rusiyanın səngərlərinin və müdafiə xətlərinin müqaviməti olub. Birinci xətt keçdikdən sonra onun arxasındakı xətlərin eyni müqavimətə malik olmama ehtimalı var.

Ukrayna Müdafiə Nazirliyinin müşaviri Yuri Sak “Bizim sürətimiz getdikcə artır” deyərkən, Britaniyanın “Ovserver” qəzetinə danışan general Oleksandr Tarnavski “Ordumuz indi birinci xətt ilə ikinci xətt arasındadır. ” Ağ Evin sözçüsü Con Kirbi cümə günü deyib: “Ukrayna ordusu ikinci müdafiə xəttində müəyyən uğur qazanıb”. Ukrayna ordusu bir həftədən çox əvvəl Robotyne kəndinə daxil olub. İndi o, bu ərazidən zirehli qoşunların irəliləməsini təmin etməyə çalışır.

Ukrayna ordusunun əks-hücumunda kritik dövr olduğu bir vaxtda müdafiə naziri Oleksii Reznikov dünən axşam saatlarında vəzifəsindən azad edilib. Ukrayna lideri Vladimir Zelenski videomüraciətində qərarı açıqlayarkən deyib: “Nazirliyin həm ordu, həm də cəmiyyətlə qarşılıqlı fəaliyyətində yeni formatlara və yeni yanaşmalara ehtiyac var”. Ukrayna mətbuatında bildirilib ki, Reznikov son vaxtlar Böyük Britaniyanın yüksək vəzifəli siyasətçiləri ilə yaxşı münasibətlər qurub və buna görə də o, bu ölkəyə səfir təyin oluna bilər.