Emin Əmrullayevin “Yuva”sı - Etibar Əlievin yazısı

Manşet

Emin Əmrullayevin “Yuva”sı - Etibar Əlievin yazısı

24-12-2024, 19:55
103

“Ötən il Milli Məclisdə “Azərbaycan Respublikasının Dövlət büdcəsi haqqında” Qanun layihəsinin müzakirəsi zamanı Təhsil Nazirliyinin “Məktəb icması” layihəsinə ayrılan vəsaitin dayandırılmasnı və ayrılan vəsitin ciddi auditinin aparılmasını təklif etdim. Dövlətin milyonlarla manat vəsaitinin göz görə-görə mənimsənilməsinə dair faktları nəzərə alaraq bunu dedim və təklif etdim ki, həmin milyonlar regionlarda məktəb tikintisinə yönləndirilsin”.
Paytaxt.org  xəbər verir ki, bunu elm və təhsil bilicisi, sabiq deputat Etibar Əliyev “Yuva Humanitar Mərkəzi”nin həmsədri Rəna Tahirova və onunla yaxın əlaqədə olan “Femact” MMC-nin rəhbəri Pərvanə Məmmədova barədə yayılan məlumatlara həsr etdiyi “feysbuk” paylaşımında yazıb. 
Paylaşımın sərlövhəsi belədir: 
“Emin Əmrullayevin “Yuva”sı”.

“Meydan TV” ilə bağlı cinayət işi üzrə həbs edilən Bakı Jurnalistika Məktəbinin rəhbəri Ülvi Tahirovun ətrafında araşdırmalar davam etdirilir.

“Baku TV”nin məsələ ilə bağlı hazırladığı süjetdə bildirilib ki, Ü.Tahirovun həyat yoldaşı, feminist kimi tanınan “Yuva Humanitar Mərkəzi”nin həmsədri Rəna Tahirovanın və onunla yaxın əlaqədə olan “Femact” MMC-nin rəhbəri Pərvanə Məmmədovanın 2016-cı ildən etibarən qadınları feminist hərəkatına cəlb etməklə təşkilatlanma, müxtəlif mənbələrdən maliyyə əldəetmə faktları müəyyən olunub.

Ötən il Milli Məclisdə “Azərbaycan Respublikasının Dövlət büdcəsi haqqında” Qanun layihəsinin müzakirəsi zamanı Təhsil nazirliyinin “Məktəb icması” layihəsinə ayrılan vəsaitin dayandırılmasını və  büdcənin müzakirəsinə qədər ayrılmış vəsitlərin ciddi auditinin aparılmasını təklif etdim.  Dövlətin milyonlarla manat vəsaitinin göz görə-görə mənimsənilməsinə dair faktları nəzərə alaraq bunu dedim və təklif etdim ki, həmin milyonlar regionlarda məktəb tikintisinə yönləndirilsin. 

Həmin layihənin əsas icraçılarından biri “Yuva Humanitar Mərkəzi”dir. Emin Əmrullayev Təhsil nazirl postuna təyin olunmamışa qədər bu təşkilatın bir neçə layihəsinin təlimçisi olub. Nazir postuna təyin olunandan sonra maraqlar toqquşmasını nəzərə almadan təşkilata külli miqdarda vəsait ayırıb. Təkcə ötən il Elm və təhsil nazirliyi tərəfindən "Məktəb nüfuzunun artırılması və məktəb icmasının inkişaf etdirilməsi" nominasiyası üzrə adı çəkilən təşkilata 72.000 manat, "Tәhsildә könüllü fәaliyyәtin tәşkili" müsabiqәsi çәrçivәsindә isə 30.000 manat pul ayrılıb.  Nəzərə almaq lazımdır ki, artıq bir neçə ildir ki, “Yuva Humanitar Mərkəzi”nə külli miqdarda vəsait peşkəş olunub. 

Məsələnin başqa bir acınacaqlı tərəfi ondan ibarətdir ki, feminist qadın və onun rəfiqələrini “Məktəb icması” qurmaq adı ilə məktəblərdə yuva salmasında məqsəd nədən ibarət olub? Belə bir şərait nə üçün bilərəkdən yaradılıb? Məqsəd çoxdan bəllidir. Milli-mənəvi dəyərləri məhv etmək...