"Mən Kazımov Cəmaləddin Müqəddəs oğlu, Masallı ray, Digah küçəsi ev 9-da qeydiyyatda olmaqla, bu ünvanda yaşayıram. Evimdə həyat yoldaşım, valideyinlərim və iki uşağımla birlikdə yaşayıram. 2016-cı ildə dövlət planına əsasən küçəmizə kanalizasiya xətti çəkilmişdir. Bizim küçədə 27 fərdi ev vardır ki, hamısının çirkab suları küçə boyu həmin kanalizasiya xəttinə tökülür". Bu ifadələr Dia-az.İnfo-ya daxil olan müraciətdə yer alıb.



Müraciət müəllifi daha sonra bildirir: "Küçədəki axırıncı evlərdən biri mənim, sonuncu ev isə qonşum Rüstəmov Çingiz Məmmədqulu oğlunundur.
Kanalizasiya xətti Çingiz Rüstəmovun həyətindən keçərək əsas xəttə birləşir.
İstifadəyə veriləndən 7 il müddətində heç bir problem olmadan kanalizasiyadan istifadə etmişik.
Son bir ildə isə qonşumuz Çingiz Rüstəmov kanalizasiyanın onun həyətindən keçən hissəsinə müdaxilə edərək lükün içini betonla doldurub, qapağını qaynaqlayıb.
Onun bu qanunsuz hərəkəti nəticəsində 27 ailə kanalizasiyadan istifadə edə bilmir. Çirkab suları küçəyə, həyətlərə, evlərə axır.
Mövcud vəziyyət barədə dəfələrlə adiyatı qurumlara şifahi və yazılı müraciətlər etsək də işin xeyrinə heç bir müsbət atdım atılmayıb.



"Azərsu" ASC-nin 3 nömrəli Regional Sukanal İdarəsinin Masallı Sukanal sahəsi tərəfindən əraziyə baxış keçirilmiş, içərisinə beton tökülən lükdən əvvəlki lükə su matoru və plastmas boru qoyularaq çirkab suları az da olsa təmizlənmişdir.
Masallı Sukanal Sahəsinin müdiri Akif Leysanov bizim şikayətlərimizə laqeyd yanaşaraq sakinləri acınacaqlı vəziyyətdə buraxır.

Biz 27 ailə və 100 nəfərdən çox sakin bu işə görə bir ildir ki, zülüm çəkirik.

Bir media qrumu olaraq qarşılaşdığımız acınacaqlı vəziyyəti Azərbaycan ictimayətinə, adiyatı qrumlara çatdırmanızı Dia-az.İnfo-dan xahiş edirəm..."

QEYD: Vətəndaş gileyinin əks olunduğu videogörüntülər də əlimizdədir...