“Ermənistanın Baş naziri Nikol Paşinyanın vaxtaşırı əlində Ermənistan xəritəsinin maketini yelləyir, onun masasında daha çox qara papaq və qum saatı görünür. Bütün bu simvolları Qərb diktə edir”.

Globalinfo.az xəbər verir ki, bu fikri erməni psixoloq Miqrdat Mədətyan səsləndirib.

O, Ermənistan hakimiyyətinin auditoriyaya təsir etmək üçün istifadə etdiyi neyrolinqvistik proqramlaşdırma üsullarından danışıqb.

“Paşinyanın taxdığı papaq, stolun üstündəki qum saatı və sair elementlər Qərbin hədəf qrupuna təsir etdiyi bir kompleksdir. Həm bu simvollar, həm də 2018-ci ildə hakimiyyət dəyişikliyi və 2020-ci ildə müharibə zamanı istifadə olunan üsullar əslində Qərb mütəxəssislərinin inkişafının nəticəsidir. Bu üsullar psixoloji baxımdan çox yaxşı qurulub, düzgün formalaşdırılıb. Mənə elə gəlir ki, papaq Leninin timsalındakı təsvir simvoludur. Çünki heç bir ümumi qəbul edilmiş üslubda papaqla kostyum geyim vəhdəti yoxdur. Dünya proletariatının lideri obrazı da yüksək intonasiya, jest və səliqəsiz geyimli xırıltılı səslə tamamlanır”.

“İctimaiyyət üçün son dərəcə diqqət çəkən görüşdə Paşinyanın masasının üzərində yenə də Ermənistan bayrağının rənglərində saat var idi. Bütün bu simvollar yalnız daxili auditoriyaya yönəlib. Amma indi ictimaiyyət onları 2018-ci ildəkindən fərqli qəbul edir. Bütün bunlar artıq işləmir. Çünki hədəf qrup kəskin şəkildə azalıb. Təsəvvür edin ki, bugünkü sosial quruluş, sosial münasibətlər nə qədər insanı şikəst edib. Nə qədər insan dəlilik ərəfəsindədir, ciddi depressiyadadır və psixoloji  mərkəzimizə müraciət edir. Hazırda Ermənistanda hökm sürən mənəvi-psixoloji vəziyyət çıxılmazdır. Bundan yeganə çıxış yolu hakimiyyətin istefasıdır”, – deyə Mədətyan vurğulayıb.