Bakıda 329 saylı məktəbdə bıçaqlanma hadisəsi baş verib.

Məktəbdə təhsil alan şagirdlərdən biri sinif yoldaşı N.M-nı bıçaqlayıb.

Bıçaqlanan şagird təcili xəstəxanaya yerləşdirilib. Vəziyyətinin ağır olduğu bildirilir.

Paytaxt.org bildirir ki,Bakı şəhəri 329 nömrəli tam orta məktəbdə  məktəbli yoldaşını yaralayan şagird saxlanılıb.

DİN-in Mətbuat Xidmətindən Trend-in sorğusuna cavab olaraq bildirilib ki, paytaxtın Səbail rayonu ərazisində yerləşən orta məktəbin 10-cu sinif şagirdinin digərinə kəsici alətlə xəsarət yetirməsi barədə polisə məlumat daxil olub.

Qeyd edilib ki, əməli törətməkdə şübhəli bilinən yeniyetmə polis əməkdaşları tərəfindən saxlanılıb.

Hazırda Səbail Rayon Polis İdarəsində araşdırma aparılır.

Qeyd edək ki, Bakı şəhəri 329 nömrəli tam orta məktəbdə tənəffüs vaxtı (saat 12:10 radələrində) X sinif şagirdi digər şagirdə (müvafiq səbəbdən şagirdlərin adı qeyd olunmur) qəfildən kəsici alətlə xəsarət yetirib.