Yasamal rayon İcra Hakimiyyətin vəzifəlisi olmuş Fərid Mahir oğlu Pənahovun rüşvət alması ilə bağlı şikayət var. Şikayətçinin iddiasına görə, ona məxsus yaşayış sahəsinin sənədinin, qeyri yaşayış sahəsinə sərəncam verilməsi müqabilində rüşvət tələb edilib. Beləki, Yasamal rayon İcra Hakimiyyətinin əməkdaşı Fərid Mahir oğlu Pənahov tərəfindən məndən 18 min manat rüvət alınıb.
Paytaxt.org bildirir ki, belə bir iddia ilə Kainat.tv xəbər portalının elektron ünvanına Mətiyev Kənan Aydın oğlu tərəfindən müraciət ünvanlanıb.
Müraciətdə deyilir:
" Yazıb sizə bildirirəm ki,24.09.2024-cü il tarixdə Yasamal rayon İcra Hakimiyyətinin əməkdaşı Fərid Mahir oğlu Pənahova Yasamal rayonu İsfəndiyar Zülalov küçəsi, ev 21, mənzil 18 ünvanında yerləşən yaşayış sahəsinin sənədinin qeyri yaşayış sahəsinə sərəncam verilməsi müqabilində 18 min manat pulu öz xidməti otağında şəxsən özünə verdim. Özünün deməsinə görə, 21 iş günü müddətində sənədlər hazır olacaq, gəlib götürərsən. 6 ay keçməsinə baxmayaraq nə sənədləri hazırladı, nə də mənim pulumu qaytardı. Bu günə qədər bu gün, sabah deyə-deyə məni süründürür. 2 aya yaxın müddətdən sonra məlum oldu ki, Fərid Pənahov Yasamal Rayon İcra Hakimiyyətindən tutduğu vəzifəsindən uzaqlaşdırılıb.
Bildirim ki, Fərid Pənahov MSK sədri Məzahir Pənahovun qardaşı oğludur. Pulumu qaytarmasını tələb edəndə deyir ki, mənim arxamda o boyda əmim - Məzahir Pənahov dayanıb, get kimə şikayət edirsən, elə, yaxşı edirəm. Deyir ki, sən Məzahir Pənahovu, Elxan Pənahovu tanımırsan, bizim gücümüzü bilmirsən? Əminəm ki, Məzahir Pənahovun qardaşı oğlunun mənim və mənim kimi biçarə insanların aldadaraq dələduzluq yolu ilə mənimsədiyi pullarından xəbəri yoxdur. Odur ki, sizdın xahiş edirəm ki, mənim haqq səsimi media vasitəsi ilə aidiyyəti orqanlara çatdırasınız.
Ümid edirəm ki, mənim müraciətim ictimailəşdiriləndən sonra hüquq-mühavizə orqanları səssiz qalmayacaq, mənə dəymiş ziyanın ödənilməsi istiqamətində lazımi tədbirlər görəcək. Azərbaycan Respublikasının qanunlarına tam arxalanaraq ümid edirəm ki, fərid Pənahov kim olursa olsun, törətdiyi qanunsuz əməllərinə görə qanun qarşısında cavab verəcək. Çünki şah qanun deyil, qanun şahdır...!"
Mətiyev Kənan Aydın oğlu
